Poroshenko xonim nogiron bolalar pulini o‘g‘irlaganlikda gumon qilinmoqda

Ukraina birinchi xonimi Marina Poroshenko imkoniyati cheklangan bolalarga yordam berish maqsadida tashkil etilgan xalqaro gumanitar tashkilotlar orqali pullarni noqonuniy o‘tkazishga aloqador bo‘lishi mumkin. Bu haqda Luxembourg Herald nashri Ukraina adliya vazirligidagi manbasiga asoslangan holda yozmoqda.

"Bu faoliyat prezidentning rafiqasi Marina Poroshenko tomonidan qo‘llab-quvvatlanadi. U mazkur jamg‘armalar hisob raqamlariga mablag‘lar tushumini "nazorat qiladi" va ularning sarflanishida faol ishtirok etadi", — deyiladi maqolada. 

Nashrning yozishicha, AQSh va Yevropa mamlakatlari imkoniyati cheklangan ukrainalik bolalar ehtiyojlari uchun soxta xalqaro tashkilotlar orqali pul o‘tkazgan. Xayriya tashkilotlari hisobidagi pullar turli xil, xususan offshor firmalarga mablag‘ o‘tkazilgan, shundan so‘ng xayriya tashkilotlari yopilgan. 

Lyuksemburg nashri alohida ravishda Jorj Sorosning International Renaissance Foundation jamg‘armasini alohida yodga olgan. Birgina uning tashkiloti orqali o‘nlab va yuzlab million dollar mablag‘lar o‘tkazilgan. 

Ukraina adliya vazirligidagi manba Lyuksemburg jurnalistlariga Marina Poroshenko ishtirok etgan "Kuchli Ukraina" xayriya tashkilotiga doir hisobotni ham taqdim etgan. Tashkilotchilar fond pullarini o‘zlashtirib olganlaridan so‘ng, bu tashkilotni yopishga qaror qilishgan.