14:49 / 25.11.2017
8674

«LXR» rahbari Igor «Qizilko‘z» Plotnitskiy iste'foga chiqdi

Foto: TASS

«Lugansk xalq respublikasi» (LXR) xalq kengashi tan olinmagan respublika rahbari Igor Plotnitskiyning iste'fosini qabul qildi, deb xabar bermoqda RIA «Novosti».

Ta'kidlanishicha, iste'fo uchun parlamentariylarning barchasi – 38 nafari ovoz bergan.

Ovoz berish jarayonidan so‘ng xalq kengashi raisi Vladimir Degtyarenko Plotnitskiyga bajargan ishlari uchun minnatdorchilik bildirgan.

«Igor Venediktovichga u respublikaga rahbarlik qilgan uch yili uchun minnatdorlik bildirmoqchiman. Haqiqatan ham hammasi noldan boshlandi, hamda bugun biz hokimiyatning barcha organlariga ega to‘laqonli davlatga egamiz. Juda katta ko‘lamda ishlar qilindi», - deya ta'kidlab o‘tdi u.

Igor Plotnitskiy kuni kecha sog‘lig‘i tufayli o‘z lavozimini tark etishi haqida qaror qabul qildi. 

Eslatib o‘tamiz, avvalroq Ukraina «LXR» rahbari Rossiyaga qochib ketgani haqida ma'lum qilgandi.

Mavzuga oid
Top