Afrika davlatlari o‘rtasidagi eng yirik marafonda 44 ming kishi ishtirok etdi

Efiopiyada Afrika qit'asi davlatlari o‘rtasidagi eng yirik marafon – “Efiopiya katta yugurishi” bo‘lib o‘tdi.

Ko‘plab davlatlardan nafaqat professional sportchilar, balki havaskorlar ishtirok etgan marafon mamlakat poytaxti Addis-Abebedagi Meskel maydonidan boshlangan. 10 km lik marafonda umumiy hisobda 44 mingga yaqin odam ishtirok etgan.

Marafon o‘tgan hududda tegishli xavfsizlik choralari ko‘rilgan.

Erkaklar o‘rtasida 28.36 daqiqalik natija bilan Solomon Berega, ayollar o‘rtasida esa 32.30 daqiqalik natija bilan Zaynab Yyemer marafon g‘oliblari bo‘ldilar.