Qirg‘izistonning yangi saylangan prezidenti Sooronbay Jeenbekov Ernist Toltoyevni prezident yordamchisi etib tayinlash haqidagi farmonini imzoladi.
Ernist Toltoyev Sooronbay Jeenbekov bosh vazirligida unga yordamchilik qilgandi.
Toltoyev 15 dekabr kuni 31 yoshga to‘ladi. 2015 yilda u O‘sh viloyati O‘zgan tumani Qizil-Oktyabr okrugida qishloq boshqarmasi rahbari sifatida ishlagan.
Bugun shuningdek, Qirg‘iziston prezidentining masalahatchisi tayinlandi. Endi Muratbek Shoyimqulov davlat rahbarining maslahatchisi hisoblanadi.
O‘tgan haftada sobiq prezident Almazbek Atamboyev o‘z maslahatchilari - Ikramjon Ilyaminov va Farida Niyazovani ishdan bo‘shatgandi.
