OAV Poroshenkoning kurtkasi ostidagi tushunarsiz narsa haqida yozdi

Ukraina prezidenti Pyotr Poroshenko kostyumi ostida insulin pompasini olib yurishga majbur. Bu haqda Ukrainaning «Vesti» internet nashri «Pyotr Poroshenko bloki»dagi manbaga tayangan holda xabar bermoqda.

Xabar qilinishicha, internet foydalanuvchilari Ukraina prezidentining fotosuratini muhokama qilishgan, tasvirda esa uning kurtkasi ostida qandaydir qattiq buyum borligini ko‘rish mumkin. Tarmoqdagilarning taxminicha, Ukraina yetakchisi zirhli jilet taqib yuradi.

«Pyotr Alekseyevich insulin pompasini olib yurishga majbur, sababi uzoq uchrashuvlar, yig‘ilishlarda ko‘p vaqtini o‘tkazadi. Hamda bu qurilma – uning uchun yagona variant», - deya aytib o‘tgan manba.

Insulin pompasi inʼeksiya qilish imkoni bo‘lmaganida qonga insulin yuboradi. Diabet bilan og‘rigan bemorlar bu qurilma yordamida giperglikemiya va gipoglikemiya paydo bo‘lishidan qochish uchun gormon miqdorini o‘zgartirishlari mumkin.