«Yuventus» o‘z nomi va emblemasini o‘zgartiradi

Turinning «Yuventus» klubi Buxarestning «Yuventus» rahbariyatiga murojaat qilib, klubi nomi va emblemasini o‘zgartirishni talab qildi, deb yozmoqda Nemzeti Sport Online.

Ma'lumki, 1992 yilda tashkil qilingan Ruminiya klubi nafaqat turinliklar nomi, balki eski emblemasidan ham andoza olgani ma'lum bo‘ldi.

Buxarestliklar rahbari Iliye Chyuklea xabariga ko‘ra, klub italiyaliklarning talabini bajaradi, ammo faqat mavsum yakunlanganidan so‘ng. 

Buxarestning «Yuventus» klubi bu mavsumgacha Ruminiyaning quyi ligalarida to‘p surgan va turinliklarning nazariga tushmay, tinchgina uning nomi va o‘xshash emblemasidan foydalanib kelayotgandi. Biroq, mamlakat yuqori divizioniga yo‘l olgach, vaziyat tubdan o‘zgardi. Endi jamoa o‘z nomini «Kolentina» deb o‘zgartirmoqchi.