3 davlat qo‘shma harbiy-dengiz mashqlarini boshladi. Yana KXDR sababchimi? 

Yaponiya, AQSh va Janubiy Koreya dushanba, 11 dekabr kuni qo‘shma harbiy-dengiz mashqlarini boshladi. Bu haqda Yaponiya o‘zini o‘zi mudofaa qilish dengiz kuchlari shtabidan xabar berishgan.

«KXDR tomonidan yadro sinovlari va raketalar uchirilayotgani davom etayotgani tufayli, mamlakatimiz atrofida xavfsizlik bilan bog‘liq vaziyat keskinlashishi fonida mashg‘ulotlar AQSh va Janubiy Koreya harbiy-dengiz kuchlari bilan muvofiqlashtiruvni oshirishga yo‘naltirilgan», - deya ta'kidlanadi xabarda.

Avvalroq AQSh va Janubiy Koreya 4 dekabr kuni harbiy-havo kuchlarining keng ko‘lamli mashqlarini o‘tkazishni boshlagani xabar berilgandi.

Eslatib o‘tamiz, bundan avval Amerika razvedkasi 2006 yilda AQSh kongressini Pxenyan biologik qurolni maxfiy tarzda ishlab chiqish bilan shug‘ullanayotgani haqida ogohlantirgani, ayni damda bu dastur eng yuqori pallaga chiqqani xabar berilgandi.