Venesuelada muxolifat prezidentlik saylovlaridan chetlashtirildi

Venesuelaning muxolif partiyalari va ularning yetakchilari mamlakatda 2018 yilda o‘tishi kerak bo‘lgan prezidentlik saylovlarida ishtirok etmaydilar, deb ma'lum qildi Venesuela prezidenti Nikolas Maduro.

Maduroning aytishicha, bu qaror muxolifat 10 dekabrda munitsipal saylovlarda ishtirok etishdan bosh tortgani va saylovlarni boykot qilishga chaqirgani uchun milliy ta'sis yig‘ini tomondan chiqarilgan.  

Maduro mamlakatning asosiy muxolif partiyalari – “Adolat barchasidan ustun” va “Xalq irodasi” “bugundan boshlab boshqa mavjud emas” deb e'lon qildi.

Xorijiy kuzatuvchilar Maduroning bu qarorini hokimiyatni o‘z qo‘llarida jamlash va bo‘lib o‘tajak saylovlarda xavfli raqiblarni bartaraf etishga urinish deb hisoblamoqdalar.