Toshkent shahridagi «Labzak» to‘yxonasida Sirdaryo viloyati hokimi G‘ofurjon Mirzayev bugungi kunda Toshkent shahridagi Oliy ta'lim muassasalarida tahsil olayotgan 240 nafardan ortiq sirdaryolik bitiruvchi va yosh mutaxassislar bilan uchrashdi.
Kun.uz muxbirining xabar berishicha, uchrashuvdan ko‘zlangan asosiy maqsad Sirdaryo viloyatidagi turli sohalarda mavjud bo‘lgan bo‘sh ish o‘rinlariga yosh mutaxassislarni jalb etishdir. Shuningdek, viloyatda kadrlar zaxirasi tizimini rivojlantirish, yoshlarni har tomonlama qo‘llab-quvvatlashdan iborat.
Tadbir mazmunli ochiq muloqot tarzida o‘tgan bo‘lib, viloyat hokimi va yoshlarning suhbati dasturxon atrofida davom etdi.
