Buxoroda jinoiy guruh fosh etildi

Buxoro viloyatining Shofirkon tumani Dorigar MFY, Dorigar qishlog‘ida yashovchi, 1995 yilda tug‘ilgan A.P. va Shodlik MFY, Qiyot ko‘chasi 37-uyda yashovchi, 1992 yilda tug‘ilgan M.H. oldindan jinoiy til biriktirib o‘g‘irlik qilish maqsadida, Vardonze MFY Yavshuntepa cho‘l massivi hududidagi “Jilvon-Rivoj” fermer xo‘jaligi rahbari D.H.ga tegishli bo‘lgan 24 bosh qo‘ylarini fermer xo‘jaligi dala maydonidan yashirin ravishda o‘g‘irlab ketganliklari aniqlandi, deb xabar bermoqda Buxoro viloyati IIB. 

Olib borilgan surishtiruv ishlari davomida A.P. o‘zining jinoiy harakatlariga boshqa bir jinoiy sherigi, Bobur MFY Talalion qishlog‘ida yashovchi, 1993 yilda tug‘ilgan A.B.ni sherik qilib u bilan birga Vardonze MFY Mirzoquli cho‘l massivi hududidagi dala maydonidan Jilvon MFY, Chaqar qishlog‘ida yashovchi T.R.ning 12 bosh qo‘ylarini va 1 bosh echkisini ham yashirin ravishda o‘g‘irlab ketganliklari aniqlandi.

Mazkur holat yuzasidan A.P. D.H. va A.B.ga nisbatan O‘z.R.JKning 169-m. 2-qismi “v” bandi bilan jinoyat ishi qo‘zg‘atilgan.