«Real» yoki «Barselona»? - Ronaldo qaysi klubdan ko‘proq minnatdor ekanini aytdi

Braziliya terma jamoasining sobiq hujumchisi Ronaldo «Real» va «Barselona» klublari haqidagi fikrini aytdi.

Eslatib o‘tamiz, futbolchi har ikkala klub tarkibida ham o‘ynagandi. Ronaldoning qayd qilishcha, u «Real»dan ko‘proq minnatdor.

«Men «Barselona»da eng yaxshi mavsumni o‘tkazganman, ammo «Real»dan ko‘proq minnatdorman. Eng yaxshi xotiralarim Madrid bilan bog‘liq.

«Barselona»dagi davrim yomon tugagan, ko‘proq Neymarnikiga o‘xshab ketadi. Romario va Ronaldino bilan ham shunga o‘xshash voqealar yuz bergan edi. Ammo «Barselona» – juda zo‘r klub», – deb Ronaldo so‘zlarini keltirmoqda Mundo Deportivo.