Angliya chempionatining 21-turi doirasida «Manchester Yunayted» va «Sauthempton» uchrashuvi vaqtida ko‘ngilsiz voqea ro‘y berdi.
O‘yinning 8-daqiqasida mezbonlar hujumchisi Romelu Lukaku to‘p uchun kurashda raqib himoyachisi Xudt bilan to‘qnashib ketdi va hushini yo‘qotib gazonga quladi. Unga tibbiy yordam ko‘rsatish uchun chiqib kelgan shifokorlar oxir-oqibat uni zambilda ko‘tarib maydondan olib ketishdi.
Ushbu to‘qnashuv tufayli o‘yin 6 daqiqaga to‘xtab qoldi, Lukakuning o‘rniga o‘yinni Markus Reshford davom ettirdi.