IShID jangarilari Suriyaning qayerida yashirinayotgani aytildi

Pentagon rahbari Jyeyms Mettisning ma'lum qilishicha, IShID terrorchilik guruhi jangarilarining bir qismi Suriyadagi Furot daryosi vodiysi o‘rta qismida yashirinmoqda. Bu haqda CNBC xabar berdi.

«Ularning bir qismi qochib ketdi. Urushda shunday holat ko‘p uchraydi. Ular, aftidan, Furot daryosi vodiysining o‘rta qismiga o‘tib ketishgan. Hozirda biz ularning xalifaligini yo‘q qilishga harakat qilmoqdamiz, shuningdek aybsiz insonlar hayotini saqlab qolishga urinmoqdamiz», - deya aytib o‘tdi Mettis.

Telekanalning Reuters’ga tayangan holda xabar berishicha, Suriya va Iroq hududida ayni damda IShIDning taxminan 1 mingga yaqin jangarisi qolayotgan bo‘lishi mumkin.

Eslatib o‘tamiz, avvalroq AQSh prezidenti Donald Tramp Suriya va Iroqdagi IShID terrorchilik guruhi jangarilari soni 35 mingdan 1 ming kishiga qadar kamaygani haqidagi xabarlarni o‘z prezidentligi bilan bog‘lagandi.