Andijondagi “O’zbegim” savdo va ko‘ngilochar markazida bayram sayillari bo‘lib o‘tdi

Andijon shahrining ramzlaridan biriga aylanishga ulgurgan “O’zbegim” savdo va ko‘ngilochar markazi bayram kunlarida shaharliklar va viloyat ahliga xizmat ko‘rsatish uchun o‘zgacha tayyorgarlik ko‘rdi.

Shaharga tashrif buyurgan har qanday mehmon, farzandlari bilan, albatta, bayramona bezatilgan “O’zbegim” savdo va ko‘ngilochar markaziga tashrif buyurishi aniq.

Maskan oldidagi maydonda vodiydagi eng baland 30 metrlik rango-rang bezatilgan archa qad ko‘targan bo‘lib, uning atrofida qorbobo va qorqiz, o‘zbek xalq ertaklari qahramonlari bolajonlarga xizmat qilayotir.

Oqshom tushganida andijonlik san'atkorlar tomonidan turli badiiy chiqishlar namoyish etilib, muhtasham archa atrofida xalq sayillari o‘tkazilmoqda.

Mazkur inshootda barcha qulayliklarni o‘zida mujassam etgan holda zamonaviy savdo va xizmat ko‘rsatish majmuasi tashkil qilingan.

“O’zbegim”da yuqori saviyada xizmat ko‘rsatuvchi turli restoran va kafelar, eng oxirgi texnologiya asosida kinoteatr zallari, zamonaviy bolalar o‘yingohi, oziq-ovqat, kiyim-kechak, maishiy buyumlar savdo majmualari mijozlar xizmatida.