Do‘konning tomini teshib, 18 mln so‘mlik oziq-ovqat mahsulotlarini o‘g‘irlagan shaxs ushlandi

Olmaliq shahrida tadbirkor, 1968 yilda tug‘ilgan Jonibek Yo‘ldoshevning (keltirilgan ism-familiyalar o‘zgartirilgan) oziq-ovqat do‘koniga noma'lum shaxs do‘konning tomini teshish yo‘li bilan kirib, unga tegishli umumiy narxi taxminan o‘n sakkiz million uch yuz o‘n olti ming olti yuz o‘ttiz uch so‘m bo‘lgan oziq-ovqat mahsulotlarini o‘g‘irlaganligini ma'lum qilgan. 

Bu haqda Toshkent viloyati Ichki ishlar boshqarmasi axborot xizmati xabar berdi.

Olib borilgan tezkor chora-tadbirlar natijasida ushbu jinoyatni 1988 yilda tug‘ilgan Boboyor Do‘stov sodir etganligi aniqlanib, ushlangan. Tergovni IIB olib bormoqda.