Nigeriyadagi masjidda sodir etilgan teraktda 11 kishi halok bo‘ldi

Nigeriya shimolidagi masjidda terrorchi-xudkush sodir etgan terakt oqibatida 11 kishi halok bo‘ldi. Bu haqda Reuters axborot agentligi xabar berdi.    

Ta'kidlanishicha, portlash Borno shtatidagi Gamboru shahrida joylashgan masjidda bomdod namozi vaqtida sodir etilgan.

Guvohlarning aytishicha, masjid binosi portlash oqibatida butkul vayron bo‘lgan. Hozircha ushbu hujum uchun javobgarlikni hech qaysi bir ekstremistik guruh o‘z zimmasiga olmagan. Biroq hujumni “Boko Harom” amalga oshirgani taxmin qilinmoqda.