Foto: El Comercio de Perú
Peruda avtobusning jarlikka qulashi oqibatida 48 kishi halok bo‘ldi. Bu haqda mahalliy politsiyaga iqtibos keltirgan holda Comercio nashri xabar bermoqda.
Avtobus yuk mashinasi bilan to‘qnashib ketgandan keyin 100 metrlik jarga qulagan. Voqea Peru poytaxti Limadan 70 km uzoqlikda, burama yo‘lning “Iblis burilishi” deb ataluvchi qismida yuz bergan. Avtobusda 50 dan ko‘proq odam bo‘lgan.
Peru transport va kommunikatsiyalar vaziri Bruno Juffraning ma'lum qilishicha, GPS tizimidan olingan ma'lumotlarning dastlabki tahlili ikki transport vositasi haydovchisi ham katta tezlikda harakatlanganini ko‘rsatgan.
