Saudi Aramco aksionerlik jamiyatiga aylantirildi

Saudiya Arabistonining Saudi Aramco davlat neft kompaniyasi aksionerlik jamiyatiga aylantirildi. Bu haqida Reuters agentligi qirollikning rasmiy byulleteniga asoslanib xabar berdi. 

Neft kompaniyasi yuridik maqomining o‘zigarishi uning aksiyalarni ommaviy joylash (IPO) rejalari bilan bog‘liq. 

Agentlik ma'lumotlariga ko‘ra, Saudi Aramco'ning kapitali 16 milliard dollar yoki 200 milliard oddiy aksiyalarga baholanmoqda. Bundan tashqari, boshqaruv tarkibiga 11 kishi kirishi taxmin qilinmoqda. 

2016 yilning yanvarida Saudi Aramco fond bozoriga chiqish rejalari haqida ma'lum qilgandi. Reuters kompaniya o‘z tanlovini Nyu-York fond birjasi (NYSE)da to‘xtatganini qayd etgandi, biroq kompaniyada bu ma'lumotlar tasdiqlanmadi. Oktyabrda tashkilotchilar ko‘plab moliyaviy, huquqiy va normativ xarakterdagi muammolarga duch kelishayotgani aytilgan edi. Bloomberg'ga ko‘ra, Saudi Aramco'ning IPO'ga chiqishi 2019 yilga qoldirilgan.