Janubiy Koreya va KXDR Olimpiada bo‘yicha muzokarani qachon o‘tkazishiga aniqlik kiritildi

KXDR hukumati Janubiy Koreya bilan Pyongchangdagi Olimpiya o‘yinlari bo‘yicha to‘g‘ridan-to‘g‘ri muzokaralarni 9 yanvar kuni o‘tkazishga rozi bo‘ldi. Bu haqda Bloomberg Janubiy Koreyaning Birlashuv vazirligi xodimi Xen Te Baykka tayangan holda xabar qilmoqda.

Amaldorning so‘zlariga ko‘ra, muzokaralarda KXDRning qishki Olimpiadadagi ishtirokini, shuningdek yarim oroldagi vaziyatni muhokama qilish rejalashtirilgan.

Ta'kidlanishicha, bu uchrashuv 2015 yildan beri yuqori darajada o‘tkazilgan birinchisiga aylanadi.

Eslatib o‘tamiz, avvalroq KXDR ballistik raketasi shaharga qulagani aniqlangani xabar berilgandi.