Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Душанбеда милиция Россияга кўчиб ўтишни хоҳлаган одамларни ҳайдаб солди
14:10 / 10.01.2018
25654

Тожикистон пойтахти милицияси ходимлари РФ ИИВнинг миграция масалалари бўйича Душанбе шаҳридаги ваколатхонаси ёнида тартибсизликлар рўй беришига йўл қўйишмади.

8 январга ўтар кечаси бино олдида Россияга кўчиб ўтиш ҳақида ариза топширмоқчи бўлган 2,5 мингга яқин киши йиғилган. «Вазият назоратдан чиқди, биз милиция ходимларини чақиришга мажбур бўлдик», - дея хабар берди РФ ИИВнинг миграция масалалари бўйича Душанбе шаҳридаги ваколатхонаси матбуот котиби Галина Александрова.

Милиция ходимлари тажовузкор кайфиятдаги оммани ҳайдаб солган. Жабрланганлар ҳақида хабар берилмади. РФ ИИВнинг миграция масалалари бўйича Душанбе шаҳридаги ваколатхонаси ёпиб қўйилди. Бино олдида милиция ходимлари навбатчилик олиб бормоқда.

Галина Александрованинг сўзларига кўра, ҳозирда Россияга кўчиб ўтишни хоҳловчилар фақатгина ваколатхонанинг веб-сайти орқали ариза юборишлари мумкин.


Улашинг
Top