Turkiyada IShIDning “qishloq xo‘jaligi vaziri” qo‘lga olindi – OAV 

Turkiyaning markaziy qismida xavfsizlik kuchlari maxsus operatsiya davomida IShIDning qishloq xo‘jalik uchun javob bergan yetakchisini qo‘lga olishdi. Bu haqda 12 yanvarda Dogan axborot agentligi xabar berdi. 

Axborot agentligi ma'lumotlariga ko‘ra, Tarik Ahmet nomli ekstremist Kaysari shahrida qo‘lga olingan. U bilan birga yana 9 jangari ushlangan. 

“Anadolu” axborot agentligining ma'lum qilishicha, Turkiyaning shimolida joylashgan Samsun shahrining turli hududlarida Iroqning qamida 10 fuqarosi IShIDga aloqadorlik gumoni bilan qo‘lga olingan.