Jakartadagi birjada 70 dan ko‘proq odam balkondan tushib ketdi (video)

Indoneziya poytaxti Jakartadagi fond birjasida ko‘ngilsiz voqea yuz berdi. U yerda 2-qavatda joylashgan balkondan birjaga tashrif buyurgan 70 dan ko‘proq odam pastga qulab tushgan. 

Voqea yuz bergan vaqtda balkonda bir necha o‘nlab odamlar, asosan ekskursiyaga kelgan kollej talabalari bo‘lgan. Talabalar balkondan o‘tayotganlarida balkon ularning vaznlariga dosh berolmay, o‘pirilib tushgan.

Bir necha metrlik balandlikdan qulash oqibatida 77 kishi turli darajadagi jarohatlar olgan. Jarohatlanganlar shifoxonalarga yetkazilganlar. Dastlabki ma'lumotlarga ko‘ra, ularning hayotlari xavf ostida emas.