Turkiya Suriyadagi kurdlarga hujum boshladi

Turkiya harbiylari Suriya shimolidagi Arbin shahrida joylashgan kurdlarni artilleridan o‘qqa tutishni boshladi. Bu haqda Associated Press xabar tarqatmoqda.

Turkiya Mudofaa vaziri Nuriddin Janiqli A Haber telekanaliga bergan intervyusida quruqlikdan hujum qilish rejasida ham o‘zgarish bo‘lmaydi. U kurdlar birinchi bo‘lib chegaradagi turk harbiylariga hujum qilgani va Turkiya janubiga xavf solib turganini qo‘shimcha qilgan.

Rasmiy Anqara Suriya kurdlarini chegara hududida ketkazishni istaydi. O‘tgan haftalar davomida Turkiya armiyasi harbiy otryadlar va texnikalarini chegara hududiga ko‘chirgandi.

15 yanvar kuni Turkiya tomoni AQSh Suriya hududida 30 ming kishilik kurdlar armiyasini shakllantirishga qaror qilgani ortidan chegara hududida harbiylari sonini oshira boshladi. Turkiya prezidenti Rajab Toyyib Erdo‘g‘an bir necha marta Suriya shimoliga bostirib kirish bilan tahdid qildi.

AQSh Davlat departamenti esa Turkiyani suriyalik kurdlarga qarshi qandaydir harakatlarni amalga oshirmaslik, balki IShID terrorchilari bilan kurashga bor e'tiborni qaratishga chaqirdi.