Anqara va Vashington o‘rtasida ishonchni qaytarish kerak – Chovusho‘g‘li

AQSh bilan Suriyada xavfsizlik hududini yaratishni muhokama qilishdan avval Anqara va Vashington o‘rtasida o‘zaro ishonch muhitini tiklash lozim, deb aytdi Turkiya tashqi ishlar vaziri Mavlut Chovusho‘g‘li.    

Chovusho‘g‘li Turkiya va AQSh prezidentlarining telefon muloqotiga izoh berar ekan, AQSh tomoni ikki davlat yetakchilari suhbati bo‘lib o‘tishidan avvaloq uning matnini tayyorlab qo‘ygan. Shu sababli xabar Rajab Toyyib Erdo‘g‘an va Donald Tramp suhbatining mohiyatini to‘liq aks ettirmagan, deb aytdi Chovusho‘g‘li.

Avvalroq Anqara Oq uy 24 yanvarda Turkiya va AQSh yetakchilari o‘rtasida bo‘lib o‘tgan suhbatning mazmunini noto‘g‘ri va chala berganidan norozilik bildirgan. Jumladan, xabar matnida Tramp “Afrindagi zo‘ravonlikning avj olishi AQSh va Turkiyaning Suriyadagi umumiy maqsadlariga erishishda xalaqit berishi mumkinligidan xavotir bildirgani” aytilgan.