Fuqarolik-protsessual kodeksi tasdiqlandi, deb xabar bermoqda Adliya vazirligining ijtimoiy tarmoqdagi “Huquqiy axborot” kanalida. Kodeks 1997 yilda qabul qilingan Fuqarolik-protsessual kodeksi normalari va qoidalari asosida ishlab chiqilgan.
Kodeksda quyidagi yangi qoidalar nazarda tutilgan:
ish yurituvi prinsiplari alohida bobga ajratilgan;
protsessual majburlov choralari tushunchalarini ta'riflash, bunday choralarni qo‘llash tartibini aniqlash ularni bir tizimga solish maqsadida protsessual majburlov choralari tushunchasini, asosini va tartibini belgilovchi yangi bob kiritilgan;
yarashtiruv tartib taomillari joriy etildi;
yo‘qolgan sud va ijro ishini tiklash masalalari tartibga solingan;
voyaga yetmagan shaxsni to‘la muomalaga layoqatli deb topish tartibi kiritildi;
chet el sudlari va arbitrajlarining hal qiluv qarorini e'tirof etish va ijro etish tartibini belgilovchi yangi bob kiritildi.
Bundan tashqari kodeksda quyidagi institutlar takomillashtirildi:
arizani ko‘rmasdan qoldirish;
ishni sudda ko‘rishga tayyorlash;
alohida tartibda ish yuritish;
nazorat instansiyasi.
Kodeks 2018 yil 1 apreldan kuchga kiradi.
