Samolyot xantal moyi qo‘shilgan bioyoqilg‘ida ilk bor AQShdan Avstraliyaga parvoz qildi
Yo‘lovchi samolyoti qisman xantal moyidan iborat aralash yoqilg‘ida ilk bor AQShdan Avstraliyaga parvoz amalga oshirdi. Bu haqda Herald Sun nashri ma'lum qildi.
Avstraliyaning Qantas aviakompaniyasining Boeing Dreamliner 787-9 samolyoti Los-Anjyelesdan Melburnga 15 soat davomida uchgan. Samolyotda standart aviatsiya yoqilg‘isiga 10 foiz xantal urug‘lari asosidagi organik yoqilg‘i qo‘shilgan bioyoqilg‘i qo‘llangan. Buning natijasida atrof-muhitga 7 foizga kamroq karbonat angidrid chiqarishga muvaffaq bo‘lingan.
Qantas vakillarining aytishicha, “noan'anaviy yoqilg‘i” hech qanday xavf tug‘dirmaydi. “Bu biz uchun mutlaq normal parvozdir”, deb aytgan kompaniya bosh direktori Elison Uebster.
Aviakompaniyada ta'kidlanishicha, bioyoqilg‘i qo‘llash bilan atrof-muhitga karbonat angidrid chiqarilishini 80 foizga qisqartirish mumkin.
Mavzuga oid
20:47 / 21.09.2024
Norvegiyadan Ispaniyaga uchgan samolyot sichqon sabab avariyaviy qo‘nishni amalga oshirdi
18:55 / 14.09.2024
AQShda vodorodda harakatlanadigan noyob samolyot taqdim etildi
21:38 / 05.09.2024
AQSh Dominikanda Maduroga tegishli ikkinchi samolyotni aniqladi
20:50 / 23.08.2024