Foto: KUN.UZ
Toshkent shahrining Yashnobod tumanida birdaniga yettita avtomashina yonib ketdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.
Qayd etilishicha, 31 yanvar kuni soat 18:22da Yashnobod tumanida Asalobod 1-daha 1-uyda joylashgan «Eksilon Invest» MChJga qarashli avtoturargohda yong‘in sodir bo‘lgan. Ko‘rilgan choralar natijasida yong‘in o‘chirilgan.
Yong‘in oqibatida avtoturargohning 100 kv.m maydonida joylashgan tom qismi va shu yerda bo‘lgan turli rusumdagi jami 7ta avtomashina, yonib zarar ko‘rgan. Yong‘in kelib chiqish sabablari aniqlanmoqda.
