Eron prezidenti ma'muriyati binosi oldida otishma yuz berdi

Tehronda noma'lum erkak Eron prezidenti ma'muriyatining binosi oldida otishma sodir etdi. Bu haqda shahar hokimi Muhsin Hamadoniy xabar bergan.

«Hozirda biz hujum qilgan erkakning shaxsini aniqlashga va uni bu qilmishni sodir etishga nima majbur qilganini bilishga harakat qilmoqdamiz», - deya uning so‘zlaridan iqtibos keltiradi Fors agentligi.

Jurnalistlar ma'lumotiga ko‘ra, erkak binoga kirish joyi yaqinida otishma keltirib chiqargan. Qo‘riqlash xizmati jinoyatchini qurolsizlantirdi hamda politsiyachilarga topshirdi.