Foto: RIA "Novosti"
Qirg‘iziston Ichki ishlar vazirligi xodimlari «Hizb ut-Tahrir» diniy-ekstremistik tashkilotining to‘rt nafar tarafdorini qo‘lga olishdi. Bu haqda payshanba, 8 fevral kuni mahkama matbuot xizmati xabar qildi.
Xabarda aytilishicha, taqiqlangan tashkilotning faol a'zolari Qirg‘iziston janubidagi Jalolobod viloyatida qo‘lga olingan. Respublika IIV ma'lumotlariga ko‘ra, ulardan eng yoshi kichigi 39da, eng kattasi esa – 55 yosh. Ushbu shaxslarning yashash joylarida o‘tkazilgan tintuvlar davomida «Hizb ut-Tahrir» ekstremistik materiallari aniqlandi va olib qo‘yildi.
Eslatib o‘tamiz, avvalroq Qirg‘izistonda terrorchilik yacheykasi rahbari ushlangani, u Farg‘ona vodiysida odam yollash bo‘yicha platsdarm tashkil etgani xabar berilgandi.
