BMT Suriyada yana kimyoviy hujum ro‘y bergan bo‘lishi mumkinligini xabar qildi

BMTning inson huquqlari bo‘yicha Oliy komissari boshqarmasi Suriyaning Sarakeb shahrida 4 fevral kuni kimyoviy moddalar qo‘llangan bo‘lishi mumkin ekani haqida ma'lumotlar oldi. Bu haqda «RIA Novosti» boshqarma matbuot reliziga asosan xabar bermoqda.

«BMTning inson huquqlari bo‘yicha Oliy komissari boshqarmasi xodimlari 4 fevral kuni Sarakeb shahri sharqidagi turar-joy tumaniga aviazarbalar berilganidan so‘ng zaharli moddalar tarqatilishiga oid xabarlar, shu jumladan videoyozuvni olishdi», - deyiladi xabarda.

Ehtimoliy hujum natijasida qurbonlar yuz bergani haqida ma'lumotlar yo‘q.

BMTning inson huquqlari bo‘yicha Oliy komissari boshqarmasidan ta'kidlanishicha, 4-9 fevral kunlari Suriyadagi mojaro oqibatida 277 oddiy fuqaro qurbon bo‘ldi, yana 812 inson jarohatlandi.