Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Сурхондарёда яна иккита янги масжид фойдаланишга топширилди
09:21 / 10.02.2018
12455

“Бугунги кунда Ўзбекистон президенти Шавкат Мирзиёев томонидан Республикамизда диний соҳага жуда катта эътибор қаратилмоқда, жойларда масжидлар ва зиёратгоҳларни жорий таъмирлаш ва қайта реконструкция қилиш ишлари олиб борилмоқда. Шунингдек, кўп йиллик тарихга ва тарихий аҳамиятга эга бўлган зиёратгоҳ ва масжидларни бугунги кун талабига мос равишда таъмирлаб, жойларда аҳолининг эҳтиёжидан келиб чиқиб ҳудуддаги фуқароларнинг диний қарашларини шаффофлаштириш, муқаддас ислом динимизнинг софлиги ва унинг амалларини эл орасида тарғиб қилиш мақсадида янги масжидлар қуриб фойдаланишга топширилмоқда”, - деб ёзади Сурхондарё вилояти ҳокими Эркинжон Турдимов Facebook’даги ўз саҳифасида

Вилоят раҳбари берган маълумотларга кўра, Олтинсой туманининг “Сайрак” маҳалласи ҳудудида жойлашган “Сайид Муҳиддинхон” ҳамда “Хўжаипок” маҳалласи ҳудудида жойлашган “Абдураҳмон ибн Авф” жомеъ масжидлари фойдаланишга топширилган.

Маълумот ўрнида: кеча, 9 февраль куни президент Ш.Мирзиёев Тошкент шаҳрида қурилаётган масжид лойиҳаси билан яқиндан танишган эди. 


Улашинг
Top