Fransiya kompaniyalari 3,5 mln ishsiz orasidan kerakli xodimlarni topa olmayapti

Fransiya kompaniyalari mamlakatda ishsizlik darajasi yuqori ekaniga qaramay, kerakli xodimlarni topa olmayapti. Bu haqda Bloomberg xabar berdi.

«Taxminan 3,5 mln kishi ishsiz sanaladi. O‘tgan yili vakansiya haqidagi takliflarning 200-330 mingtasiga hech kim qiziqish bildirmadi», - deyiladi Fransiyaning ishga joylashtirish bo‘yicha milliy agentligi materiallarida.

Kompaniyalar bunday statistikaga asosiy sabab nima bo‘lganini ma'lum qilishmoqda – lavozimga mos tushadigan nomzodlar yo‘qligi.

Ma'lum bo‘lishicha, Fransiya hukumati bu muammoni hal etishga harakat qilmoqda. Fransiya prezidenti Emmanuel Makron ta'lim va professional tayyorgarlik sohasiga 15 mlrd yevro mablag‘ yo‘naltirishni va'da berdi.