Франция компаниялари 3,5 млн ишсиз орасидан керакли ходимларни топа олмаяпти

Франция компаниялари мамлакатда ишсизлик даражаси юқори эканига қарамай, керакли ходимларни топа олмаяпти. Бу ҳақда Bloomberg хабар берди.

«Тахминан 3,5 млн киши ишсиз саналади. Ўтган йили вакансия ҳақидаги таклифларнинг 200-330 мингтасига ҳеч ким қизиқиш билдирмади», - дейилади Франциянинг ишга жойлаштириш бўйича миллий агентлиги материалларида.

Компаниялар бундай статистикага асосий сабаб нима бўлганини маълум қилишмоқда – лавозимга мос тушадиган номзодлар йўқлиги.

Маълум бўлишича, Франция ҳукумати бу муаммони ҳал этишга ҳаракат қилмоқда. Франция президенти Эммануэль Макрон таълим ва профессионал тайёргарлик соҳасига 15 млрд евро маблағ йўналтиришни ваъда берди.