Америка Қўшма Штатлари мамлакат киберхавфсизлигини таъминлаш учун тахминан 1 млрд доллар ажратишни режалаштирмоқда. Бу ҳақда АҚШ Ички хавфсизлик вазирлиги сайтида хабар берилган.

«2019 йилги бюджет федерал тармоқлар ҳимояси ва кибертизимлар камчиликларини бартараф этишга йўналтирилган ташаббуслар учун қарийб 1 млрд доллар, шунингдек, ўта муҳим инфратузилмани ҳимоя қилишга 319 млн доллар ажратилишини назарда тутади», - дейилади хабар матнида.

Эслатиб ўтамиз, аввалроқ АҚШ президенти Дональд Трамп Қўшма Штатлар инфратузилмасини ривожлантириш бўйича 1,5 трлн долларлик режани тақдим этиш ниятида экани маълум қилинганди.