AQSh Suriya muxolifati va Iroq xavfsizlik kuchlariga 1,4 mlrd dollar ajratadi

AQShning 2019 moliyaviy yil uchun federal byudjyeti loyihasida Suriyadagi muxolifat va Iroqdagi milliy xavfsizlik kuchlarini qo‘llab-quvvatlash uchun 1,4 mlrd dollar ajratilishi ko‘zda tutilgan. Bu haqda Pentagon vakili matbuot anjumanda ma'lum qilgan. 

“Sabotli qat'iyatlik” operatsiyasi o‘tkazilishi Iroq milliy xavfsizlik kuchlari va Suriya muxolifatini tayyorlash va qo‘llab-quvvatlashga 1,4 mlrd dollar ajratilishini ko‘zda tutadi”, deb aytilgan brifingda.  

12 fevralda AQSh ma'muriyati 2018 yil oktabrda boshlanadigan yangi 2019 moliya yili uchun byudjyet loyihasini taqdim qilgandi. Byudjyet loyihalari odatga ko‘ra kongress tomondan ko‘rib chiqilgach o‘zgarishlarga uchraydi.