Hindistonda maktab binosiga avtomobil kelib urildi, to‘qqiz o‘quvchi halok bo‘ldi

Hindiston sharqidagi Muzaffarpur shahrida (Bixar shtati) yuqori tezlikda harakatlangan avtomobil maktab binosiga kelib urildi. Bu haqda India Today xabar qilmoqda.

Xabarga ko‘ra, hodisa oqibatida to‘qqiz nafar o‘quvchi qurbon bo‘lgan, yana kamida 24 kishi jarohat oldi. Ayni damda barcha jabrlanganlar shifoxonaga yetkazildi. Haydovchining shaxsi, shuningdek, uni bu ishni qilishga nima majbur etgani politsiya tomonidan aniqlanmoqda.

Ayni damda tergov ishlari olib borilmoqda.