Pokistonning viloyatlaridan birida o‘yinchoq qurol taqiqlandi 

Pokistonning 4 viloyatidan biri – Sind ma'muriyati o‘yinchoq avtomat va to‘pponchalarni taqiqlab qo‘ydi. Bu haqda Express Tribune nashri xabar bermoqda. 

Nashr ma'lumotlariga ko‘ra, taqiqlov o‘yinchoq qurollarni ishlab chiqarish, sotish, xarid qilish, qo‘llash va namoyish qilishga kiritilgan. 

Ushbu qaror politsiyaning ichki ishlar departamentiga murojaatidan keyin qabul qilingan. Politsiya ushbu iltimosini o‘yinchoq qurol jinoyatlar sodir etilishida qo‘llanishi mumkinligi bilan asoslab bergan.

Bundan tashqari, politsiya murojaatida o‘yinchoq qurollarning bolalar tomonidan o‘ynalishi turli jarohatlarga olib kelishi va ularning onglariga salbiy ta'sir ko‘rsatishi mumkinligi aytilgan.