AQShning atom aviatashuvchisi Vetnamga kirdi

AQSh harbiy-dengiz kuchlari jangovar kemalarining Carl Vinson aviatashuvchisi yetakchiligidagi zarba berish guruhi 4 kunlik do‘stona tashrif bilan Vetnamning Danang portiga kirdi. Eskadra tarkibiga, shuningdek Wayne E. Meyer raketa esminetsi va Lake Champlain raketa kreyseri kiradi.

Vetnam tashqi siyosat mahkamasi rasmiy vakili Le Txi Txu Xangning ma'lum qilishicha, Amerika aviatashuvchisining mamlakatga kirishi kelishuv asosida amalga oshirilmoqda. Bitimga 2017 yil noyabrida prezident Donald Trampning Vetnamga tashrifi davomida erishilgan. 

Uning so‘zlariga ko‘ra, Danangga kelgan Amerika harbiy xizmatchilari shahar rahbariyati va Vetnam xalq armiyasi 3-harbiy-dengiz tumani qo‘mondonligida bo‘ladi. Seminarlar, xayriya aksiyalari, sport va jamoaviy tadbirlarda ishtirok etadi. 

Aviatashuvchi kema va hamroh kemalar bortida 6 ming harbiy xizmatchi, harbiy uchuvchilar va texnik xodimlar bor. Eskadra Vetnamga Filippindan so‘ng tashrif buyurgan.