Tramp va Mey Putinning yangi qurol haqidagi bayonotini “mas'uliyatsizlik” deb atashdi

Buyuk Britaniya bosh vaziri Tereza Mey va AQSh prezidenti Donald Tramp telefon muloqoti davomida Rossiya prezidenti Vladimir Putinning yangi yadroviy qurollar haqidagi bayonotini “mas'uliyatsizlik” deb atashdi. 

Ikki davlat yetakchisi shuningdek Sharqiy G‘utaning bombardimon qilinishini muhokama qilishgan va Suriya tuzumi hamda uning Rossiya va Eron qiyofasidagi ittifoqchilarini gumanitar tanaffusning barbod bo‘lishida ayblashgan.   

Tramp va Mey ichki siyosiy muammolar, jumladan AQShga alyuminiy va po‘lat olib kirilishiga boj to‘lovlarining oshirilishi va Buyuk Britaniyaning Yevropa Ittifoqidan chiqishi mavzulariga qisqacha to‘xtab o‘tishgan.