Трамп ва Мэй Путиннинг янги қурол ҳақидаги баёнотини “масъулиятсизлик” деб аташди

Фото: AP/Luca Bruno

Буюк Британия бош вазири Тереза Мэй ва АҚШ президенти Дональд Трамп телефон мулоқоти давомида Россия президенти Владимир Путиннинг янги ядровий қуроллар ҳақидаги баёнотини “масъулиятсизлик” деб аташди.

Икки давлат етакчиси шунингдек Шарқий Ғутанинг бомбардимон қилинишини муҳокама қилишган ва Сурия тузуми ҳамда унинг Россия ва Эрон қиёфасидаги иттифоқчиларини гуманитар танаффуснинг барбод бўлишида айблашган.

Трамп ва Мэй ички сиёсий муаммолар, жумладан АҚШга алюминий ва пўлат олиб кирилишига бож тўловларининг оширилиши ва Буюк Британиянинг Европа Иттифоқидан чиқиши мавзуларига қисқача тўхтаб ўтишган.