21:58 / 07.03.2018
9033
2017 йили оилавий низолар 190 дан ортиқ қотилликка сабаб бўлди
Фото: KUN.UZ

Ўзбекистонда 2017 йилда оилавий низолар оқибатида содир этилган 191 та қотилликдан 62 ҳолатда эр хотинининг жонига қасд қилган бўлса, 10 тасида хотин эрини ўлдирган. 119 тасида ака-укани, опа-сингилни, қайнона куёвни, почча қайнисининг жонига қасд қилиб, ўлдирган ҳолатлар қайд этилган. ХПКнинг 7 март куни бўлиб ўтган навбатдаги сессиясида иштирок этган ИИВ Жамоатчилик ва ОАВ билан алоқалар бошқармаси бошлиғи, генерал-майор Қутбиддин Бурҳонов шу ҳақда маълум қилди. 

генерал-майор Қутбиддин Бурҳонов
Фото: Халқаро Пресс клуб

“Вилоятлар кесимида олинса, Самарқандда 27 та, Тошкент шаҳрида 24, Тошкент вилоятида  22 та, Фарғонада 21 та қотиллик оилавий жанжаллар оқибатида содир этилган. Ўтган йили қайд қилинган 73 минг 692 та жиноятдан 9,5 мингдан ортиғи, минг афсуски, аёллар томонидан содир этилган. Бу борада вилоятлар кесимида Фарғонада аёллар томонидан 1 625 та, Тошкент шаҳрида 1592, Тошкент вилоятида 1402, Самарқандда 1066, Андижонда 972, Наманган 751 та жиноят содир этилган”, - деди Бурҳонов. 

Top