Suriyada qulagan An-26 bortida general-mayor ham bo‘lgan

Suriyada qulagan An-26 samolyoti bortida Rossiya qurolli kuchlari general-mayori Vladimir Yeremeyev bo‘lgan. Bu haqda RBK RF Mudofaa vazirligidagi manbalarga asosan xabar qilmoqda.

Mahkamadan ma'lum qilishlaricha, samolyot qulashida halok bo‘lganlar orasida general-mayor va 26 nafar zobit bo‘lgan, deb xabar bermoqda TASS. Mudofaa vazirligi ma'lumotlariga ko‘ra, samolyot bortida ulardan tashqari, praporshchiklar va shartnoma asosidagi xizmat harbiylari bor edi.

Samolyot qo‘mondoni 3 ming soatlik parvozga ega bo‘lgan, u bunga qadar Xmeymimda bir necha marta muvaffaqiyatli ravishda qo‘nishni amalga oshirgan. Harbiylarning ta'kidlashicha, seshanba kuni qo‘nish uchun ob-havo sharoitlari «oddiy bo‘lgan». 

Eslatib o‘tamiz, avvalroq Suriyada bortida 32 kishi bo‘lgan Rossiya samolyoti qulagani xabar berilgandi.