Сурияда қулаган Ан-26 бортида генерал-майор ҳам бўлган

Сурияда қулаган Ан-26 самолёти бортида Россия қуролли кучлари генерал-майори Владимир Еремеев бўлган. Бу ҳақда РБК РФ Мудофаа вазирлигидаги манбаларга асосан хабар қилмоқда.

Маҳкамадан маълум қилишларича, самолёт қулашида ҳалок бўлганлар орасида генерал-майор ва 26 нафар зобит бўлган, деб хабар бермоқда ТАСС. Мудофаа вазирлиги маълумотларига кўра, самолёт бортида улардан ташқари, прапоршчиклар ва шартнома асосидаги хизмат ҳарбийлари бор эди.

Самолёт қўмондони 3 минг соатлик парвозга эга бўлган, у бунга қадар Хмеймимда бир неча марта муваффақиятли равишда қўнишни амалга оширган. Ҳарбийларнинг таъкидлашича, сешанба куни қўниш учун об-ҳаво шароитлари «оддий бўлган». 

Эслатиб ўтамиз, аввалроқ Сурияда бортида 32 киши бўлган Россия самолёти қулагани хабар берилганди.