Eron AQShga: Siz bilan AQShda bo‘lishni istaganimizda gaplashamiz

Eron oliy yetakchisi oyatulloh Ali Homanaiy Eron AQSh va Yevropa davlatlari bilan Yaqin Sharqdagi mavjudligi bo‘yicha muzokaralar o‘tkazmoqchi emas. Bu haqda oyatullohning saytida ma'lum qilingan.  

“Yevropa davlatlari kelib, Eron bilan Yaqin Sharqdagi mavjudligi bo‘yicha muzokaralar o‘tkazmoqchi ekanliklarini aytishadi. Nima ishingiz bor? O‘zingiz nima uchun bu yerdasiz? Bu bizning mintaqa”, deb aytgan Homanaiy.

“Biz mintaqada mavjudligimiz bo‘yicha muzokaralarni mintaqa davlatlari hukumatlari yoki siz (AQSh) bilan o‘tkazishimiz kerakmi? Siz bilan AQShda bo‘lishni istaganimizda gaplashamiz!”, deb qo‘shimcha qilgan oyatulloh.

Bundan tashqari, oyatullohning aytishicha, “AQSh har joyda korrupsiyalashgan va isyonkor aralashuviga qaramay, Eronning mintaqada mavjudligi bo‘yicha norozilik bildirib keladi”.