NATO Turkiyaning qadamidan jiddiy xavotirga tushib qoldi

NATO Harbiy qo‘mitasi rahbari Petr Pavelning ma'lum qilishicha, Turkiya tomonidan Rossiyadan S-400 raketa majmuasining xarid qilinishi alyansda jiddiy xavotirga sabab bo‘lmoqda. Bu haqda Breaking Defence xabar berdi.

Nashr ma'lumotlariga ko‘ra, Petr Pavelning fikricha, S-400 NATO texnologiyalariga mos emas, shu sababdan Rossiya zenit-raketa majmualari alyans havo hujumidan mudofaa umumiy tizimiga intergratsiya qilinmay, balki alohida birlik sifatida qo‘llaniladi.

Shuningdek uning ta'kidlashicha, asosiy muammo tezkor ma'lumotga aloqadordir, u NATOning Turkiyadagi harbiy infratuzilmasi to‘g‘risidagi ma'lumotlarni o‘z ichiga qamrab oladi.

Uning fikriga ko‘ra, ushbu ma'lumot keyinchalik Rossiya tizimlarida saqlanib qoladi, balki RF hukumatiga ham berilishi mumkin.