НАТО Туркиянинг қадамидан жиддий хавотирга тушиб қолди

НАТО Ҳарбий қўмитаси раҳбари Петр Павелнинг маълум қилишича, Туркия томонидан Россиядан С-400 ракета мажмуасининг харид қилиниши альянсда жиддий хавотирга сабаб бўлмоқда. Бу ҳақда Breaking Defence хабар берди.

Нашр маълумотларига кўра, Петр Павелнинг фикрича, С-400 НАТО технологияларига мос эмас, шу сабабдан Россия зенит-ракета мажмуалари альянс ҳаво ҳужумидан мудофаа умумий тизимига интерграция қилинмай, балки алоҳида бирлик сифатида қўлланилади.

Шунингдек унинг таъкидлашича, асосий муаммо тезкор маълумотга алоқадордир, у НАТОнинг Туркиядаги ҳарбий инфратузилмаси тўғрисидаги маълумотларни ўз ичига қамраб олади.

Унинг фикрига кўра, ушбу маълумот кейинчалик Россия тизимларида сақланиб қолади, балки РФ ҳукуматига ҳам берилиши мумкин.