Jizzax shahrida qotillik yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
Qayd etilishicha, 12 mart kuni soat 08.45larda Sh.Rashidov tumani Hayrobod MFY Oybek ko‘chasida yashovchi, 1997 yilda tug‘ilgan G‘.O. Obod MFY A.Navoiy ko‘chasida joylashgan “So‘g‘diyona” futbol o‘yingohi oldidagi avtomashinalar turar joyida o‘zaro janjal oqibatida Orom ko‘chasida yashagan, 1979 yilda tug‘ilgan Z.T.ning ko‘krak, qorin va o‘ng qo‘lining bilak qismiga pichoq bilan urib jarohat yetkazgan.
Natijada Z.T. kasalxonaga keltirilganida vafot etgan. G‘.O. qo‘lga olingan.
