Samarqandda fojia: erkak kelinoyisini pichoqlab o‘ldirdi, o‘z akasiga bolta bilan hujum qildi

Samarqand viloyatining Kattaqo‘rg‘on tumanida qotillik yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 14 mart kuni soat 15.30larda Kumushtola ko‘chasida yashovchi, 1972 yilda tug‘ilgan B.Sh. uyida o‘zaro janjal  oqibatida akasi, 1959 yilda tug‘ilgan A.Sh.ning bosh va qorin qismlariga bolta bilan urib jarohat yetkazib, shu yerda bo‘lgan A.Sh.ning turmush o‘rtog‘i, 1962 yilda tug‘ilgan M.Sh.ning ham bo‘yin qismiga bolta va ko‘krak qismiga pichoq bilan urib jarohat yetkazgan.
 
Natijada M.Sh. voqea joyida vafot etgan. A.Sh. kasalxonaga yotqizilgan.