YeI Suriyaga qarshi sanksiyalarni kengaytirdi

Yevropa ittifoqi Suriyaga nisbatan joriy etilgan sanksiyalarni kengaytirdi. Bu haqda YeI Kengashi matbuot xizmati tomonidan e'lon qilingan bayonotda aytiladi.

Ta'kidlanishicha, sanksiya ro‘yxatiga to‘rt kishi qo‘shildi. Ular, YeI bayonotida aytilishicha, kimyoviy qurolni ishlab chiqish hamda undan foydalanishga aloqador bo‘lishi mumkin.

Ular orasida – yuqori mansabli harbiy amaldor, shuningdek, ilmiy-tadqiqot markazida ishlovchi uch nafar olim bor.

Avvalroq YeI Suriya sanoat va axborot vazirlariga qarshi sanksiyalar joriy etgandi.