Jizzaxda jiddiy YTH, ikki kishi halok bo‘ldi

Jizzax viloyatining Paxtakor tumanida 17 mart kuni soat 03.00larda Surxondaryo viloyati Sariosiyo tumanida yashovchi, 1988 yilda tug‘ilgan B.B. boshqaruvidagi “Neksiya” rusumli avtomashinani “Toshkent-Termiz” M-39 yo‘lining 947-kilometrida haydab ketayotib, shu yo‘nalishda yo‘lning chetida to‘xtab turgan Denov tumanida yashovchi, 1969 yilda tug‘ilgan A.N. boshqaruvidagi “Kamaz” rusumli yuk avtomashinaning orqa qismiga urilib, to‘qnashuv sodir etgan.

Bu haqda O‘zbekiston Respublikasi IIV Jamoatchilik va ommaviy axborot vositalari  bilan aloqalar boshqarmasi xabar bermoqda.

Natijada “Neksiya” avtomashinasi yo‘lovchilari A.Ya., A.O. jarohat olib, voqea joyida halok bo‘lgan, J.M. hamda B.O. jarohat olib, kasalxonaga yotqizilgan. Mazkur holat yuzasidan tergov harakatlari olib borilmoqda.